انا والنجوم وهواك........

كلامك جميل اوى يا كريستاله

بجد ومش مجامله

عايزاكى تشاركينى ف كل التوبكات




انا مستنيه بقيت ردودكم طول الاسبوع

معاك على طول بس تامري
ومرسي بجد على ذوقك معايا

نونا حبيبة قلبى

نونا انتى قولتى ----الحب الاول وهم بنتعلق بيه بس وهم لذيذ عمره ما بيتنسي واوقات تفتكريه وتقولى ايه الهبل ده واوقات تقولى ياريتنى ما ضاع من ايدى وانا معاكى ف ده)))))))))))))) الحب من اول نظرة موجود واختم بالعشرة كمان انه موجود وحصل معايا انا شخصيا وساعتها اتهبلت بقيت اقول لبابا وماما ايه ده عينيه يا بابا عينيه وماما تقولى اهلا انتى طبتى ساعتها بتحسى باحساس غريب جدااااااا ياهبة عارفة لما تكون عايزة تصوتى وتضحكى وتعيطى فى نفس الوقت هو ده انا برده معاكى ف كلامك ده((((((((((((( الخيانة صعبة اوى اوى بس لاقدر الله لما تحصل بلاش نتسرع فى رد الفعل لان الغلط اكيد هيكون من عندك ولو مش كده يبقى انت اخترتى من زمان الراجل الغلط بس لو كان مثلا بيعاكس واحدة قدامك دى مش خيانة اىحاجة قدامك مش خيانة الخيانة اللى من وراء ظهرك كده يبقى بيحاول يهزر معاكى اوبيوصل لك رسالة بس بلباقة شوية المهم انه فى الاول والاخر هيرجع لك انتى

))))))))))))) انا حسه ان رايك ف الخيانه هنا غريب شويه))))))))))))


انا مثلا لو لقيت مثلا شريك حياتى بيعاكس واحده تانيه
ده انا اروح فيها
ومتهيالى ساعتها هيبقى رد فعلى صعب شويتين
يااااااااااااااااااااااارب ارزقنى بواحد متبقاش عينه زايغه قولواااااااااااااااا امين

انا عندى حل لو كانت عينه زايغه انا اخرمهاله اظن ان ساعتها مش هيبص خالص واكيد مش هيعاكس

لكن متهيالى لو انتى يا نونا اتعرضتى للخيانهلا قدر الله مش هيكون تفكيرك كده خاااااااااااااااااااااااااااالص


هتبقى عاقله شويه
سعدت بمرورك يا نونا يا سكر

كريستاله منورانى يا قمر وابقى فكرى معانا ف توبكات للاسبوع اللى جى

الموضوع دا تحفه يا ذكرى
طول عمرك ملكيش حل يا بنتى
وانا اسفه جداااا انى اتاخرت عليكوا وزعلانه جدا انى مقدرتش اشارك معاكوا فى الموضوع من اول مبتدى بس احنا لسه فيها بردو
انا فى رائى اولا :
الحب الاول مش وهم موجود بس مبيبقاش حب بمعنى الحب بيبقى تعرف بالحب وانا شايفه انو بيبقالو سحر خاص لانه بيبقى فيه اول مرة قلبنا يدق بسرعه لما تشوف اللى بتحبه وتتمنى لو يفضل جنبك عمرك كله مع انه ممكن ميبقاش حاسس بيك اساسا
ثانيا:
الحب من اول نظرة انا مؤمنه بوجوده جدااااااا ودا متعه انك تشوفى حد لاول مرة فتحسى انك مشدوداله وتحسىان عنيه مليانه دفىء ممكن بعد متعرفى الحد دا تندمى انك بصيتى نحيته من الاساس
ثالثا :
الخيانه
الخيانه دى شىءبشع وانا اتمنى محدش يقابله ابدا
انا الحمد الله لسه محبتش عشان اتخان اصلا بس متهيالى لو حد خنى ممكن انهار بكل معنى الكلمه دا طبعا غير ان ليله اهله مش هتبقى معديه واحتمال يبقى اخر يوم فى عمرة

سماسم منورانى يا عسل

وعجبانى الحته دى
((((((((((((((((((((((((((((((( لو حد خنى ممكن انهار بكل معنى الكلمه دا طبعا غير ان ليله اهله مش هتبقى معديه واحتمال يبقى اخر يوم فى عمرة
)))))))))))))))))))))))))))


عسل يا وسام انا قولت اخرمله عينه انتى قولتى تقتليه وتريحى دماغك بس ساعتها متهيالى مش هيهون عليكى

انا مبسوطه اوووووووووووووووووووووووووووووووووووى ان التوبك عجبك ومستنياكى تقوليلى رايك ف كل توبك

انا بفكر نعملها مرتين ف الاسبوع يعنى مثلا

واختاروا انتوا ايام تغيير المواضيع

فكرة جميلة يا ندي ياريت تعملي بية توبك منفضل

فكرة جديدة وجميلة فعلا

ندا وشايلد منورين

بصى يا ندا انا بقول ليكى ولكل الاعضاء البيت بيتكم هنا فى انا والنجوم وهواك احنا بنفتح قلوبنا وانا بدى الحق لاى عضو يكتب كل اللى هو عايزه يرد ع الاسئله بتاع كل اسبوع ويقول اى قصه هو عايزها مفيش اى مانع

او لو حبيتى تعملى زى ما شايلد بتقول هى قكره جميله منها وهى المديره بتاعنا واحنا تحت امرها

لو عايزه تعمليه ف توبك لوحده اوك وان ان شاء الله او ل الناس اللى هيشاركوا

اتمنى ليكم احلى حياة

اسئلة الاسبوع ده عايزه ردود صواريخ ومحدش يكسل وميكتبش رد

مين الشخص الذى لن تنساه ابدا ووجه ليه كلمات من قلبك؟؟؟

لو انت بتحب شخص كان مرتبط بيه حد من اصدقائك هتعمل ايه؟؟؟؟؟؟


لو واحد او واحده خدوا بالهم ان ف حد معجب بيهم هيكون ايه رد فعلهم؟؟


ازاى تعرف ان ف حد بيحبك حب حقيقى؟؟؟؟


((((((مستنيه ردودكم اوعوا تنسونى وتمشوا من غير لما تكتبوا ردود))))))))

اجابة السؤال الاول
واحد انا اعرفه هقوله حرام عليك ربنا يسامحك
اجابة السؤال التانى
اصعب حاجة خيانة الاصدقاء وانا ابيع الدنيا كلها علشان صاحب بجد ولو انا كنت اللى حبيته يبقى لازم ابعد وفورا
اجابة السؤال التالت
هستنى منه تصرف رسمى اعتراف بمعنى اصح
اجابة السؤال الرابع
الحب الحقيقى مش بيتعرف بيتحس دليله افعال وتصرفات
بصراحة يا هبة انا عمرى ما خطر على البالى الاسئلة دى الاجابة كانت صعبة بالنسبة لى

كريستاله
مين الشخص الذى لن تنساه ابدا ووجه ليه كلمات من قلبك؟؟؟


أبي العزيز مستنيه اليوم اللي ي هنام فيه بين أحضانك تاني وبعدين نجتمع من جديد في جنات عدن باذن الله00


ياااااااارب ويحقق ليكى كل اللى بتتمنيه


نونا

لو واحد او واحده خدوا بالهم ان ف حد معجب بيهم هيكون ايه رد فعلهم؟؟

هستنى منه تصرف رسمى اعتراف بمعنى اصح

جامده الجمله دى اوى يانونا

(((ف حاجه لازم كلنا نعرفها هى ان لو واحد بيحب واحده حب حقيقى اكيد مش هيتمنى انها تكون لحد غيره واكيد برده مش هيرضى انها تتعلق بحبال دايبه وتفضل حيرانه))))

ولاانتم رايكم ايه

منورانى يا ندا بس كده غالى والطلب رخيص الاسبوع اللى جى خلاص هنخلي اى حد يكتبلنا عن قصة حب هومر بيها
ولو انى كده ابقى حرقت توبك الاسبوع اللى جى بس ولا يهمك مستنياكى


ومستنيه المنتدى كله يجى يفتح لينا قلبه و تحكوا وتشاركوا معانا

بصى ياندا مع ان قصتك غامضه شويه الا انى مرجحه وبنسبة 100 ف 100
انك توافقى لان من كلامك هو انسان كويس جدااااااا وبان كمان من موقفه حتى هو لما سمع كلام من اصحابك لما كانوا بيوقعوا ما بينكم مفكرش انه يصدق ع طول ولا فكر انه يقابلك ويكلمك فكر صح قال انا اكلم اهلها عشان هو فعلا واضح انه خايف عليكى وبيحبك جدا
كمان من كلامك انك بتحبيه وحرام يا ندا تيجى ع نفسك وتقتلى الحب اللى جواكى بسهوله ومتنسيش انه حب يكون علاقتكم ف النور وبموافقة اهلك مش زى بقية الشباب اللى بنشفهم دلوقتى انا برده حسه بيكى ان الموضوع اللى انتى حكتيه مزعلك منه بس مفهاش حاجه ابدا انك ان شاء الله تقعدى تتكلمى معاه وتحكيله الللى جواكى يمكن هو شايف الموضوع من زاويه تانيه واتصرف ده من وجهة نظره هو
وكونه انه يتقدملك ده اكبر دليل ع حبه ليكى
اوعى تسيبيه يا ندا

لسه ليه كلام تانى عايزه اقولهولك وطمنينى عليكى ع طول

ندا انتى قولتى


بس انا حاسه ان كرامتى انجرحت وماتنسيش ان انا فضلت ست سنين احاول اغير من نفسى تجاه حبه

ندا انتى غيرتى نفسك للاحسن صدقينى انتى مخسرتيش بالعكس هو ده الصح وهو ده اللى هو كان بيحلم بيه
ندا متزعليش منى انا حسه انه ملوش اى ذنب ف اللى هو عمله
زنبه انه خاف عليكى وحب انك تكونى كويسه عشان محدش يقدر يتكلم عليكى ولا نص كلمه

بصى يا ندا متحكميش ع الناس بموقف واحد بس وتقعدى بقى تركزى علي الموقف وتحليليه وتكبريه
انا هقولك حاجه مثلا لو انا طيبه اوىىىىىى بس ساعات بتنرفز وانتى اول مره تتكلمى معايا بس حظك انى اتكلمت معاكى ف وقت ما كنت متنرفزه هتقعدى بقى تقولى عليه ده انا رخمه وعصبيه و.................
مع انك متكلمتيش معايا ولو حتى 5 دقايق
اديله فرصه وادى لنفسك فرصه الدنيا كده يا ندا لازم نسامح ولازم متخافيش هقولك حاجه تخلي قلبك مطمن طبعا محدش بيعرف المستقبل فيه ايه مفيش احسن من انك تحاولى ف الفتره الاخيره دى تقربى من ربنا اوى وتدعى ربنا من قلبك وصلى صلاة استخاره وصدقينى لو كان نصيبك هتلاقى الامور كده بقت سهله قدامك ولو مكنش ف نصيب لا قدر الله هتلاقى الموضوع وقف

وعايزاكى كمان تنسى اللى فات افتحى صفحه جديده انتى اللى تكتبيها بايدك متسبيش الماضى هو اللى يكتبها

لسه فى امل يا ندا الدنيا متقفلتش ولا حاجه
انا عايزه اسالك اسئله هتلاقى جوابها بيحللك المشكله
لو هو مش بيحبك كان هيهتم بيكى كان هيهمه تصاحبى مين ومتصاحبيش مين كان ع الاقل صدق اللى بيتقله عنك ومش بعيد يكرر الكلام هو عمل كده؟؟؟؟؟؟

هو سابك حيرانه يا ترى تفضلى تحبيه ولا تنسيه؟؟؟؟

لو كان اتقدملك واحد بنفس مواصفاته كلها اكيد كنتى هتوافقى ؟؟؟؟؟


اخر كلامى الانسان مش بيتعرف من موقف واحد بيتعرف اكتر من اخلاقه من تعامله مع الناس اه
موقف واحد ممكن ياثر فيكى بس عمره ما هيكون مرايا بتعكس صورة الانسان اللى قدامك

وخللى عندك ثقه فى الله وصلى استخاره ومتنسيش كمان كفايا ان اهلك كمان شكلهم موافقين ليه بقى يا ندا بتقفلى الموضوع من ناحيتك

ندا احنا معاكى كلنا وكل اللى ف المنتدى كمان اكيد هيقولوا رايهم وانا مستنيه ومتابعه معاكم

وصدقينى انا هدعيلك من قلبى

تصدقى ياذكرى ان كلامك ريحنى اوى اوى
وادانى امل كبير اوى
يعنى انت من رايك انى مافكرش فى الماضى
وانى افكر ان بيعمل كده علشان بيحبنى
طب وكبريائى ؟؟؟؟؟؟
انا على فكره هافكر فى كلامك الجميل ده وان شاء الله ناويه اخد بيه...
وهاطمنك ان شاء الله...
انتى بجد انسانه رائعه

على فكره انا حبيت اخد رايكم لما قرايت عنوان التوبيك
وعلى فكره انا جبت عنوان التوبيك من جوجال
يعنى انتى بقيتى مشهوره ياذكرى
انت بجد تستحقى دا
وكمان عرفت اسلوبك الجميل ياذكرى بجد هو دا اللى شجعنى

ميرسى اوى رايك
وانا بجد بحاول اصلى استخاره وادعى ربنا انه يوفقنى للخير

لانى موش مستعده انى اخسر او اتالم فى حياتى اللى جايه

وميرسى كيريستاله على رايك الجميل بجد

وعلى فكره انا كمان زى اى بنت نفسها تفرح وتتخطب
بس انا متحيره جدا فى امرى ده
وقولت اخد راى ناس تانيين
وانا فعلا ربنا رزقنى بناس سكره خالص

بجد ميرسى ليكم
ودعواتكم

كريستاله وندا منورنى

ع فكره بمشاركتكم وردودكم هى اللى بتخلى التوبك يبقى احلى مش انا لوحدى لو اقعدت من هنا لبكره اكتب ف مواضيع عمرها ما هتبقى حلوه من غيركم

ندا انا عايزه اقولك ان الحب والكرامه زى بالظبط لو سقطت عمله ظهور احد الوجهين لايعنى غياب الاخر

وانا شايفه لو حد قابل حب حقيقى اكيد ممكن يضحى بحياته عشان اللى بيحبه
وع فكره يا ندا الكرامه دى شىء نسبى يعنى انتى ممكن تكونى شايفه الموضوع مهين جدا وغيرك شايفه غير مهين وتفتكرى لو اهلك شايفين انه مهين كانوا هيوافقوا عليه
بصى يا ندا ف ناس بتهدم حاجات كتير وممكن تخرب بيوت تحت ستارة الكرامه
يعنى مثلا ممكن بيوت تتخرب عشان الطرفين متمسكين بكرامتهم وممكن يسيبوا بعض افرضى كانوا متزوجين ممكن ده يجى ع حساب اولادهم هل دى فعلا الكرامه الحقيقيه؟؟؟؟

ده مثل بس عشان اوضحلك ان ف ناس مش فاهمه الكرامه بمعناها الحقيقى
كرامتنا اه موجوده بس مش معنى كده اننا نخلق مشاكل بيها
انتى قولتى يا ندا طب وكبريائى ؟؟؟؟؟؟

تفتكرى لو انتى مش عندك كبراياء كنتى هتخافى ع كبريائك ازاى

خوفك ع كرامتك اكبر دليل ع انها لسه موجوده ازاى هتخافى ع حاجه فيكى وهى مش موجوده

كرامتك لسه موجوده يا ندا

لو اللى بتحبيه يستحق حبك لازم تسامحى


مع امنياتى باحلى حياه

لاااااااااااااازم كلنا نقف جمب ندا ونحللها مشكلتها لاننا هنا لازم نبقى ايد واحده وانا لو حدى مش هقدر احللها مشكلتها من غيركم انا بشكر كريستاله لانها ردت ع ندا بس عايزاكم كلكم تقفوا جمبها عايزين رايكم يا جماعه

انا مستنيه بلاش طناش يا جماعه

عايزين فعلا نساعدها ونوصلها للى هى عايزاه


انا مستنياكم

اهلا ندا
كلامك حلو اوى ياهبة انت وكريستالة
بصى يا ندا الحل الوحيد للموضوع ده فى ايدك انت حاولى تقعدى مع نفسك
انا شايفة انه لو كان انسان مش كويسة وعايز يتسلى وخلاص كان انتهزها فرصة من الاول ومقلشى لاهلك بس من الواضح ان بيحبك وبيخاف عليكى الواحدة ما بتصدق تلاقى حد بيحبها بجد وواضح كمان انه انسان عاقل بدليل ان المقف اللى عملتيه مع اصحابك انك منزلتيش من نظره وواثق فيك وفى اخلاقك وعارف انتى متربية ازاى وبعد ست سنين بعد ما لف وشاف رجع لك انتى لانه عايزك انت. خدى النصيحة دى من واحدة عاشت تجربة الحب الاول عمره ما بيتنسى ابدا حتى لو مين عوضك عنه
موضوع الكرامة دى زه ما هبة قالتلك مفيش حاجة اسمها كرامة بين اتنين بيحبوا بعض
ثم انتى كرامتك محفوظة ده جالك لحد عندك
هقولك على حاجة امسكر ورقة وقلم اكتبى احتمالات رد فعله من الموضوع اللى اصحابك عملوه واحتمالات رد فعلك انت
وهل انتممكن توافقى على كده
ما اعتقدش لانك انسانة محترمة
ماكانشى قدامه حاجة تانية يعملها غير كده
لانه انسان يعرف الاصول كويس وبيصون العشرة والجيرة
ربنا يوفقك لما يحبه ويرضاه

نونا منورانى والله يا قمررررر

ردك زاد التوبك روعه

ويارب ندا تاخد بكلامنا لانها شكلها شخصيه قويه وصعبه حبتين

واحنا مستنين بقية الردود لندا لحد ما توصل بحل يرضيها

ازيكوا يا احلى اعضاء اسئلة الاسبوع ده كتيره شويه بس يا ريت تعجبكم

1_ من أنـــــت .............؟

2_ باقة ورد لمن تهديـــها.....؟

3 _ باقة شوك لمــن تهديـــها......؟

4 _ اســـوأ خـــبر سمعته............؟

5 _ شخــــص لا ترفـــض له طلـــب...؟
6 _ من يـــــطربـــــك..(مش شرط مطرب ...أي صوت في الحياه)؟

7 _من هو تــــوأم روحـــــــــــك.....؟

8 _ ما هي التجربـــه التي تتمنى تكرارها..؟

9 _ما هو اكثر شئ تخشــــاه....؟

10_ حمامة زاجل استقرت على نافذتك تحمل رسالة من مجهول فمن تتمنى ان يكون؟


11_ قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟

12_ كلمة اخيـــرة ...... بعد ان أصابك الملل............

اللى عنده قصه عايز يحكيها يتفضل يا جماعه واحنا معاه ومستنين

1_ من أنـــــت .............؟

انا انسانه عاديه جدا ساعات بحس انى كتاب مفتوح وكتير بحس انى بمتلك بعض الغموض

2_ باقة ورد لمن تهديـــها.....؟
للحبيب المنتظر

3 _ باقة شوك لمــن تهديـــها......؟
كل من جرحنى وانا اعطيه ظهرى

4 _ اســـوأ خـــبر سمعته............؟
لو عرفت ان اتنين سابوا بعض

5 _ شخــــص لا ترفـــض له طلـــب...؟
متهيالى انا كل الناس مقدرش اتاخر عنهم لانى بحب اساعد الناس

6 _ من يـــــطربـــــك..(مش شرط مطرب ...أي صوت في الحياه)؟
الصوت اللى بحبه صوت اليسا وبحب كلمات اغنيها اما ف الحياه بحب صوت اختى اوى لانى دايما بلجا ليها لما ببقى مضايقه وهى اللى بتهدينى


7 _من هو تــــوأم روحـــــــــــك.....؟
للاسف لسه ملقتش توام ليه

8 _ ما هي التجربـــه التي تتمنى تكرارها..؟
؟؟؟؟؟؟؟؟؟؟؟

9 _ما هو اكثر شئ تخشــــاه....؟
الحب

10_ حمامة زاجل استقرت على نافذتك تحمل رسالة من مجهول فمن تتمنى ان يكون؟

من الحبيب المنتظر

11_ قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟
هرسم قلب عليه حرفى ومن الناحيه التانيه علامة استفهام وهكتب
for the world u may be some one but for some one u may be the world

12_ كلمة اخيـــرة ...... بعد ان أصابك الملل............


انا ما اصابنيش الملل ولا حاجه بس عايزه اقول
ان الدنيا دى كلها مفيش احسن من ان الواحد يقرب من ربنابقلبه لان ربنا هو اللى قادر انه يغير من حياتنا للاحسن
وان الحياه صفحات ومسير الصفحات تنطوى ف يوم بعلم الرحمن فلازم نحاول نملا الصفحات بكل خير وحب للناس ونجاح ونعمل كل اللى ف وسعنا عشان نبقى احسن ناس لان احنا اللى بادينا نغير الكون لما نقرر بجد اننا نعمل كل اللى علينا



(((بس ابقوا قولوا للى عمله الموضوع دى يا جماعه تخفف الاسئله شويه ايه ده او تعمله صح وغلط عشان يبقى اسهل ههههههههههه))))


اشوفكم ع خير مع سلامة الله