انا والنجوم وهواك........

يا جماعه بجد انا نفسي في لينك هنا للاف ام
او الراديو يقلب اف ام
علشان خاطري
علشان اسمع اسامه وانا قاعده علي النت
لان الارسال عندي فظيع
وتحياتي يا ذكري

الموضوع يا زكرى بجد جميل
في انتظار اول موضوع

هيرو سمسم


انا مستنيه لما انتم تحددوا الايام بس انا راى نبدا من يوم الجمعه ولو الفكره نجحت نزود كمان يوم فى الاسبوع ولو انتم عايزين حاجه تانيه اوك زى ما تحبوا قولولى



حكايه

حتى لو معرفتيش تنزليها عندك متزعليش اومال احنا عاملين التوبك ده ليه


dr4c

منور التوبك يا دكتر


طبيب

اهلا بريسنا

حكايه
منوره يا سكره تانى






((((عايزه اشوفكم كلكم اول لما نبدا يوم الجمعه)))))))



اوعوا تنسوا

الحب هي كلمة رقيقة بسيطة في حروفها كبيرة في معناها
كلمة من حرفين بتجمع بين قلبين
يعجز اي انسان عن وصف كلمة الحب لانها اكبر من اي وصف
الحب من وجهة نظري هو تضحية
اخلاص
الحب ليست كلمة بقدر ما هو احساس تحسه من لغة العيون
الحب ليس انانيه
الحب عطاء
الحب يتخطى حواجز الاشكال والاعراق ليصل الى القلوب
الحب غاية الملايين
وانا من ضمن هؤلاء

ازيكم يا احلى اعضاء


انا اسفه جدا عشان اتاخرت عليكم بس بجد مكنش بايدى
ع العموم المهم انى رجعت لعيونكم

موضوعنا المره دى

ايه صفات فتى الاحلام وفتاة الاحلام

وهل قابلتوهم ف الحقيقه ولا لا؟؟؟؟؟؟

ولو لقيتوها ف الحقيقه تفتكروا هتعملوا ايه

الحب وهم بنتعلق بيه
الحب الحقيقى هو اللى بيجى بالعشرة
لما تحبى انسان علشان انتى حاسه انه ليكى مش هيتسلى بيكى او
يستهتر بمشاعرك زوجك هو الانسان اللى ممكن ساعتها خلاص تدى له الامان
خلاص انتى ضمنتيه
حتى خطيبك متعشقيش التراب اللى بيمشى عليه
الله اعلم بالنوايا
بس فى المجمل الحب احلى احساس ممكن تحسى بيه
زى اغنية عمرو دياب عايش ومش عايش
صدقونى انا جربت الحالتين
والحمد لله عرفت معنى الحب الحقيقى مع خطيبى

منورانى يا نونا وكلامك تمام ويارب تبقى انتى وخطيبك اسعد اتنين وانتى يا نونا بجد تستحقى كل خير وده مش تثبيت دى حقيقه



منور يا هيرو سمسم بس بجد لو نانسى عجرم فعلا قدامك كنت هتروح تطلب اديها بامانه تخيل كده



منور يا دكتور امادوميدو
ان شاء الله تلاقيها وتيجى تقولنا وتفرحنا


((((((((بس ف ماقالوش لقوا الشخصيه اللى عايزنها ف الحقيقه))))))))))))



دكتور فور سى ردى جه متاخر شويه بس انا كنت بعته رد ومنكتبش المهم
مفيش من بعد كلامك كلام تانى اعلق عليه


جه الوقت اللى اقولكم فيه راى ف اخر توبك اتكلمنا فيه وارد ع الاسئله


ايه صفات فتى الاحلام وفتاة الاحلام
صفات فتى احلامى انه يكون متدين وبيصلى ومش بيشرب سجاير واهم حاجه يكون بيحبنى جداااااا مش شرط يكون غنى اوى بس اهم حاجه يكون من جواه عايز يبقى احسن ويكون رومانسى ويكون طيب ويكون دمه خفييف ودردوح وبيعرف يتكلم وبيعرف يحل اى مشكله تقابله
ويكون شهم كده


(باختصار عايزه كل حاجه جميله تبقى فيه)


وهل قابلتوهم ف الحقيقه ولا لا؟؟؟؟؟؟

ياريت اقابل شخصيه جامده تلفت انتباهى بس عندى امل انى الاقيها
ولو لقيتوها ف الحقيقه تفتكروا هتعملوا ايه
والله انا اكيد هبقى مبسوطه جدا بس للاسف مش هقدر اعمل حاجه

عمري ماتخيلت فتى الاحلام زي مابتقولو وعمري مارسمتله صورة
بس عندي احساس انه هيشدني ليه اكيد
وساعتها مااعرفش هاعمل ايه ولا هاتصرف ازاي
خليها على الله....
على فكره التوبيك ده جميل جدا تسلم الأيادي

-والله انا ما قابلتش لسه في الحقيقه
بس معرفش ساعتها هعمل ايه؟؟
عالعموم الواحد ساعات بيعمل حجات عمره ما كان يتخيّل انه يقدر يعملها
dramadomido
لما قريت كلامك افتكرت الرويات بتاع زمان ان ممكن لو واحد حب واحده يعمل المستحيل عشان يبقوا لبعض ف النهايه ودى حاجه مش موجوده ف الوقت ده
دلوقتى ممكن لو واحد لقى حب حقيقى يتنازل عنه بسهوله مع اول مشكله بتقابله
لكن ده طبعا مش ف كل الناس



عمري ماتخيلت فتى الاحلام زي مابتقولو وعمري مارسمتله صورة
بس عندي احساس انه هيشدني ليه اكيد
وساعتها مااعرفش هاعمل ايه ولا هاتصرف ازاي
خليها على الله....
على فكره التوبيك ده جميل جدا تسلم الأيادي


اهلا يا كريستاله منورانى ياقمر بس انا استغربت من اول كلامك لما قولتى عمرى ما تخيلت فتى احلامى
بس قولت عادى لما قولتى خليها ع الله

واضح انك شخصيه بتحب ان الامور تاخد مجراها الطبيعى
ودى حاجه جميله جدا وانك كمان مش متكلفه

انا عمرى مافكرت فى فتى احلامى عمرى ما اتمنيت حد ياخدنى على حصانه الابيض
لانى عشت عمرى كله فى المذاكرة وانى احقق حلم والدى
بس بعد مادخلت الجامعة اكتشفت ان فتى احلامى كان طول عمره قدامى بيحاول يلمح لى بس الغباء بعيد عنكم
المهم انه ضاع من ايدى
ليه كل الشباب خرس؟؟؟
المفروض ان البنت هى اللى تروح تخطبه من اهله ولا النظام ايه
بيقولوا زمان كان فى حياء بس الراجل كان بيقول انا بحبك وعايز اتجوزك
دلوقتى فى زمن اللاحياء الرجالة بيتكسفوا
ولما نضيع منهم يقولوا ان احنا جرحناهم وبعناهم وحطمنا قلبهم
الانسان اللى شايف فى واحدة انها اللى هتكمل معاه بقية حياته
نصيحة نصيحة
اوعوا تضيعوها اوتنكسفوا انها تصدكم
جرب جرب وهترتاح

نونا
بيقولوا زمان كان فى حياء بس الراجل كان بيقول انا بحبك وعايز اتجوزك
دلوقتى فى زمن اللاحياء الرجالة بيتكسفوا


عجبتنى الجمله دى اوى يا نونا
المفروض فعلا لو واحد بيحب واحده يروح يقولها ويتقدملها وميماطلش ولو هى بتحبه هتقف جمبه
وبلاش يقف من بره بره يتفرج وخلاص

اخباركم ايه يا احلى اعضاء قبل لما اقول كلامنا هيبقى عن ايه الاسبوع ده لازم اقولكم حاجه صغيره

انا كتير ببقى محتاره ايه الموضوع اللى هنتكلم عنه

انا عايزاكم تساعدونى وتقولولى ع المواضيع اللى تحبوا تتكلموا عنها ولو اتاخرت عليكم ف كتابة عايزاكم تبقوا بدالى بارائكم ومواضيعكم


تفتكروا ان الحب الاول وهم ولا لا؟؟؟


فى يا ترى حب من اول نظره؟؟؟؟


لو حد فينا اتعرضت للخيانه يا ترى هيعمل ايه ؟؟؟



انا مستنيه ردودكم

الحب الاول وهم بنتعلق بيه
بس وهم لذيذ
عمره ما بيتنسي واوقات تفتكريه وتقولى ايه الهبل ده واوقات تقولى ياريتنى ما ضاع من ايدى


الحب من اول نظرة موجود واختم بالعشرة كمان انه موجود
وحصل معايا انا شخصيا وساعتها اتهبلت بقيت اقول لبابا وماما ايه ده عينيه يا بابا عينيه
وماما تقولى اهلا انتى طبتى
ساعتها بتحسى باحساس غريب جدااااااا ياهبة
عارفة لما تكون عايزة تصوتى وتضحكى وتعيطى فى نفس الوقت هو ده


الخيانة صعبة اوى اوى بس لاقدر الله لما تحصل بلاش نتسرع فى رد الفعل
لان الغلط اكيد هيكون من عندك ولو مش كده يبقى انت اخترتى من زمان الراجل الغلط
بس لو كان مثلا بيعاكس واحدة قدامك دى مش خيانة اىحاجة قدامك مش خيانة الخيانة اللى من وراء ظهرك
كده يبقى بيحاول يهزر معاكى اوبيوصل لك رسالة بس بلباقة شوية
المهم انه فى الاول والاخر هيرجع لك انتى

الحب الأول في رأيي هو حب طفولي وتعلق غريب محدش
يعرف معناه وبعدين بنكبر وضحك عليه ونقول ايه الهبل ده بس بيتن طفولي مش أكثر


أما الحب من أول نظره بيتهيألي موجود بس في الأفلام
ممكن يكون اعجاب بالانطباع الأول مش اكثر


الخيانه كلمه مجرد نطقها أو سماعها بيخنق سواء كانت من راجل أو ست بس الأفضل انك ماتحكميش على حد الا أما تسمعي الكلام للاخر جايز يكون فيه عذر منطقي ولو مفيش اكيد اما تحكمي مش هتندمي على القرار اللي خدتيه وترجعي تقولي ياريت اللي جرى ماكان وبعد ماتفكري طبعا يبقى عتاب الندل اجتنابه
صدقوني بتحرق اكثر من أي حاجه تانيه

كلامك جميل اوى يا كريستاله

بجد ومش مجامله

عايزاكى تشاركينى ف كل التوبكات




انا مستنيه بقيت ردودكم طول الاسبوع