ايه الفق ما بين المياه الخضراء والحمراء

الأساس الفعال هو هو, مادة الجليكول, بس المادة بتختلف من أيثلين جليكول للمية الخضراء, الى بروبلين جليكول للمية الحمراء.

الفروق بتبقى موجودة بين كل السوائل حتى لو نفس اللون, يعنى فى مية خضراء عليها مضاد للصدأ وفيه معليهاش, والمفروض متزودش مياه الا من نفس النوع اللى بتستعمله على طول.

ومحدش يقدر يشرح الفروق بين المياه الحمراء والخضراء علشان بتختلف حسب الشركة المنتجة, والفرقين الرئيسيين هما درجة السمية لأن المية الخضراء أكثر سمية, وطول فترة التغيير لصالح المياه الحمراء (150000 ميل للحمراء, 12 الى 24 شهر للخضراء) بيتغير بعدها المياه.

وعموما زى ماقولت ماينفعش تزود مياه خضراء على حمراء, ومش من المفروض تزود مياه خضراء على مياه خضراء من نوع تانى, علشان المواد الكيميائية بتختلف فى كل نوع.

ولو عايز تحول لمياه حمراء لازم تفضى دورة التبريد وياريت تتغسل, ثم تحط النوع اللى أنت عايزه.

المياه الخضراء تختلف عن المياه الحمراء فى معدل امتصاص الحرارة, المياه الحمراء تمتص الحرارة بكمية أكبر من الخضراء ده بعيدا عن التركيبة الكيميائية لكل منهما.
لا ينصح ابدا بوضع مياه حمراء فى سيارة مجهزة للمياه الخضراء أو العكس.
فى حالة وضع مياه حمراء بدل الخضراء يزيد معدل التبريد و قد لا تكون السيارة مصممة لذلك, يقل الاداء و قد يحدث جهد حرارى على المحرك مما يؤدى لتقصير عمره الافتراضى.
فى حالة وضع مياه خضراء بدلا من الحمراء يقل معدل التبريد, و بالتالى قد يتسبب ذلك بسخونة السيارة.