دلعى نفسك فى البيت بملابس قطنيه مريحه

:ml,.n: :ml,.n:



هتلاقي دايما إن الملابس القطنية بكل أنواعها سواء "بيجامات أو ترنجات أو جلابيات" هي أنسب حاجة ممكن تلبسيها في البيت خصوصا مع الحر اللي إحنا فيه ده...
وطبعا أنت مش محتاجة أقولك إنك لما تشتري الملابس القطنية دي تجيبيها واسعة شوية، علشان معظم الأقمشة القطنية لما بتتغسل بتكش شوية، وكمان علشان هدوم البيت لما بتكون واسعة بتكون مريحة جدا...

ولو كنت عايزة تحافظي على ألوان ملابسك لأطول فترة ممكنة، يبقى ياريت قبل ما تغسليها أول مرة تنقعي كل قطعة لوحدها في شوية ميه بادرة مضاف إليها فنجان خل علشان تحافظي على ألوانها زاهية لأطول فترة ممكنة، وياريت كمان تغسليها بميه باردة لأن غسيل الهدوم القطن بميه ساخنة باستمرار ممكن يخلي لونها يتغير بسرعة ويبهت.
اوعي تفكري إن الملابس القطنية محدودة في تصميماتها وأشكالها، لأن دلوقتي بقى فيه تصميمات وأشكال كتيرة جدا ممكن تلاقيها مصنوعة من القطن زي مثلا...

هتلاقي بيجامات بأشكال مختلفة وألوان مختلفة زي مثلا...

بيجامة منقوشة بكم طويل وبنطلون طويل، بالإضافة إلى وجود مجموعة من الزراير الأمامية على جاكيت البيجامة.

بيجامة ببنطلون طويل واسع ومقلم بخطوط طولية، وجاكيت سادة مقفول من الأمام.

بيجامة 3/4 كم وبنطلون بانتكور، الشكل ده بيتميز بوجود خطوط بالعرض على البنطلون والجاكيت، علشان كده بنلاقي إن الشكل ده مناسب جدا للبنت الطويلة.

بيجامة منقوشة، بتتميز بوجود نقوش كثيرة على الجاكيت أكتر من البنطلون، بالإضافة إلى وجود مجموعة من الزراير الأمامية على الجاكيت.

بيجامة ببنطلون برمودا وجاكيت 1/2 كم، بالإضافة إلى وجود خطوط طولية على البنطلون والجاكيت، على فكرة الشكل ده مناسب للبنت القصيرة

بيجامة سادة 1/2 كم وبنطلون برمودا، الشكل ده بيتميز بإنه مقفول من الأمام.

بيجامة 1/2 كم منقوشة، ببنطلون برمواد ومجموعة من الزارير الأمامية على جاكيت البيجامة.

بيجامة 1/2 كم عبارة عن بنطلون برمودا مقلم بخطوط طولية، وتي شيرت سادة.

ولو عايزة تحسي بالأناقة وأنت قاعدة في البيت ممكن تختاري شكل زي ده.

ولو عايزة تحسي بالحيوية والانطلاق في البيت ممكن تختاري شكل زي ده.

ولو كنت عروسة جديدة، وعايزة تدلعي نفسك وأنت قاعدة في البيت، يبقي ممكن تختاري أي شكل من الأشكال دي...

على فكرة لبس البيت مش مقتصر على البيجامات فقط، ففيه جلابيات صيفي ممكن تلبسها في البيت وعلى فكرة الجلابيات الصيفي لها تصميمات متعددة فهتلاقي....

الجلابية المنقوشة الطويلة اللي بـ 1/2 كم، بالإضافة إلى وجود ثلاثة زارير أمامية.

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وقبل ما أقول
سلام

بقول لك إنك لازم تغيري باستمرار من استايل لبسك
وأنت قاعدة في البيت علشان ماتشعريش بالملل، خاصة
لو كنتِ من النوع اللي بيقعد في البيت لوقت كبير...

وبكده يكون خلص كلامنا النهارده
ومن هنا للأسبوع اللي جاي مستنية أعرف آراءكم
وتعليقاتكم الجامدة قوي على العدد

وكمان أي حد عنده أي استفسار أو سؤال عن موضوع
عددنا النهارده أو عن أي حاجة تانية يبعت على طول
سلاااام

مش لو كانت الحاجات ده بتتلبس في البيت مش كنا مهجناش من البيوت؟؟؟؟؟؟؟؟؟؟؟

سوسو ودوكتور فور سى منورين

والحمد لله ان التوبك عجبكم وخحاول دايما اقدم ليكم كل جديد

مفيش حاجة رجالي ليا عشان البسها

بس كده هحاول ادور واجيب ليكم كل اللى تطلبوه

منور

تحفه
تسلم الايادي

بيجامات جميله جدا تسلم ايدك